Ginmanduan sang mga imbestigador natuhoy sa martial law bid ni impeached South Korean President Yoon Suk Yeol, nga ini ang mag-atubang sa corruption watchdog sang pungsod sa adlaw sang Paskwa matapos nga wala nagtambong sa mga summons subong nga semana.
Si Yoon ang nagapangatubang sa karun sang impeachment kag criminal charges sang insurrection kun sa diin sarang ini nga mapriso ukon magpangatubang sang death penalty.
Siya ang gina-imbestigahan sang mga prosecutors kasubong man sa isa ka joint team sang police, defence ministry kag anti-corruption investigators.
Ginpahibalo na sang Joint Investigation Headquarters si President Yoon Suk Yeol sang ikaduha nga summons request.
Ang hearing sa Corruption Investigation Office (CIO) ang natalana alas 10:00 sang aga sa Disyembre 25.
Kun magpakita si Yoon, siya ang mangin labing una nga South Korean president nga nagtambong sa isa ka investigative agency.
