Ginakonsiderar sang isa ka opisyal nagikan sa National Security Council (NSC) ang impeachment plan batok kay Vice President Sara Duterte bilang “political opportunism.”
Nagapati si NSC Assistant Director General Jonathan Malaya nga ang ginaduso sang Makabayan bloc nga impeachment sang bise-presidente ang isa ka attempt agud maghimo sang political mileage antes ang midterms elections sang Mayo 2025.
Gin-endorso sang mga mamalidha sa Makabayan ang ikaduha nga impeachment complaint batok kay Duterte sang Miyerkules, nga ginpreparar sang masobra 70 ka mga complainants nagikan sa civil society groups.
Ginsuguran naman sang minority leaders ang pagtipon sang suporta nagikan sa Kamara agud makatipon sang one-third sang masobra 300 ka mga mamalidha agud magperma sang impeachment resolution batok kay Duterte.
