Ginpahayag ni Senate President Francis “Chiz” Escudero nga dako ang posibilidad nga masuguran sang 20th Congress ang impeachment trial ni Vice President Sara Duterte sa Hulyo 21, pagkatapos sang State of the Nations Address (SONA) ni President Ferdinand “Bongbong” Marcos Jr.
Suno kay Escudero, kun magsulod na ang bag-o nga Kongreso sa functions sini ukon pagkatapos sang SONA, posible nga matigayon ang trial.
Suno kay Escudero, wala man ini sang rason nga magpatawag sang special session para sa impeachment trial ni Duterte.
Kun magasugod ang impeachment trial sa Hulyo, malakip na ang 12 ka bag-o nga mag Senador nga ma-eleher sa maabot nga May midterms elections bilang mga impeachment judges.
Sang Biyernes, ginpahayag ni VP Sara nga preparado ang iya legal team sa pagahimuon nga trial kag wala pa nagsulod sa iya panghuna-huna nga magresign sa pwesto.
Kun mapahanugutan sang impeachment court, ginpahayag ni Duterte nga indi ini magtambong sa trial.
