Ginpahayag ni former Supreme Court Associate Justice Adolf Azcuna, nga nagdraft sang bahin sang 1987 Constitution sa accountability sang public officers, nga ang impeachment trial ni Vice President Sara Duterte ang sarang nga mapadayon sa 20th Congress kun suguran ini sang Senado antes mag-adjourn sa Hunyo 13.
Suno kay Azcuna, ang articles of impeachment ang dapat mabasa sa Senado kag maserbi sa vice presidente agud magtrigger sa jurisdiction sang Senado sa kaso.
Kun ini ang matabo, magapadayon ang trial sa 20th Congres, nga magaconvene sa Hulyo.
Suno kay Azcuna, nga nagdraft sang Article XI sang 1987 Constitution, ang nagpahayag nga ang isa ka impeachment trial ang isa ka constituent power.
Suno diri, dapat magproceed ang trial agud magpadayon ini tubtob nga matapos.
