Mas ginpa-intensify pa ang implementasyon sang Anti-Medicancy Law sa ciudad sang Bacolod sa karun nga nagahilapit ang adlaw sang paskwa.
Suno kay Alma Gustilo, Officer in Charge sang Department of Social Service and Development, sa nagahilapit nga adlaw sang paskwa, ginalauman na nga magadamo ang mga kabataan nga makit-an sa dalanon sang ciudad nga nagapangayo-ngayo kag nagapangaroling.
Suno diri, delikado kag posible nga madisgrasya ang mga kabataan sa dalanon, amo nga mas ipa-intensify pa gid ang Anti-Medicancy law.
Natalana nga magarobing sa dalanon ang Anti-Medicancy team humalin ala 1:00 sang hapon tubtob alas 8:00 sang gab-i.
Ang madakpan nga mga kabataan, igarescue kag interviewhon kag amo nga buligan.
Pahayag ni Gustilo, sa karun wala naman sang may namonitor nga mga badjao sa mga area nga posible ginatiniran sang mga ini.
Samtang, kahapon, 23 ka mga badjao sa ciudad sang Kabankalan ang ginpapauli balik sa Zamboanga.
