Ginalantaw nga magapagwa sang Implementing Rules and Regulations ukon IRR ang probinsya sang Negros Occidental sa Abril 29 kaangot sa ipatuman nga General Community Quarantine sa Mayo 1.
Suno kay Negros Occidental Governor Eugenio Jose “Bong” Lacson, wala sang control ang probinsya sa kun ano ang desisyon nga ipatuman matapos ang enhanced community quarantine sa Abril 30, bangod nagasunod lang ini sa guidelines sang national.
Ginklaro sini nga ang National Inter-Agency Task Force against coronavirus ang sarang nga magdesisyon diri kag igabase nalang ang regulasyon, santo sa resolution #28.
Suno kay Lacson, sa pagpatuman sang general community quarantine, mapahanugutan na nga makagwa ang mga yara sa edad nga 21 tubtob 59 sa mga panimalay basta sila ang magareport sa trabaho ukon essentials.
Indi naman makagwa ang naga-edad 21-59 kun may-ara ini sang kaupod sa balay nga co-morbid nga balatian.
Magapabilin naman nga naka-home quarantine ang mga naga-edad 20 panubo kag ang mga senior citizens.
Suno kay lacson, indi pa gihapon masiguro kun mapahanugutan na ang mass transportation.
Magapabilin naman nga indi pagpahanugutan ang pagsulod sang mga nagikan sa iban nga probinsya.
