-- ADVERTISEMENT --
Gin-athag sang Provincial Health Office nga fake news ang nagalapta nga balita nga may isa ka doktor sa Teresita Lopez Jalandoni Provincial Hospital nga nagtaliwan bangud sa COVID-19.
Sa interview sang Bombo Radyo kay Dr. Ernell Tumimbang, ginpahayag sini ang tatlo ka mga doktor nga nagpositibo sa coronavirus disease ang yara sa karun sa maayo nga kondisyon.
Nagpasalig man ini nga apisar sang nagadamo nga kaso sa Negros Occidental, yara gihapon sa babaw sang sitwasyon ang probinsya kag plastado na ang mga hilimuon.
Suno sa iya, wala sang dapat kahangaw-an ang mga pumuluyo bangud may yara sang maayo nga koordinasyon kag hugot nga napatuman ang mga protocols.
