Importasyon sang 350,000 metric tons sang Vietnamese rice, nadelay bangod sa nagapadayun nga negosasyon

Gindelay sang rice importers sa Pilipinas ang pagbakal sang ginabanta 350,000 metric tons sang Vietnamese rice.

Suno sa report, gina-negosyar pa sang traders ang pila ka mga agreements matapos ang tuman nga pagnubo sang presyo sang Vietnamese rice.

Ginpahayag man sang isa ka Singapore-based senior executive nga indi magkuha ang mga buyers sang tuman ka mahal nga presyo.

Samtang, ginpahayag ni Department of Agriculture spokesperson Assistant Secretary Arnel de Mesa nga ang import delays ang posible nga bangud sang holidays sa Vietnam.

Sang Pebrero, gindeklarar ang food security emergency on rice base sa rekomendasyon sang National Price Coordinating Council.