Napasa na sang secretary general sang General Alliance Workers Associaiton (GAWA) ang resolution sini sa pagquestion sang pagpasugot sang pagpasulod sang 450,000 metric tons nga imported nga kalamay.
Sa interview sang Bombo Radyo Bacolod kay Wennie Sancho, natingala gid ini nga grabe ang pagpamugong sang iban nga mga sugar planters sa pagpasulod sang 150 000 metric tons nga kalamay apang sa 450 000 metrics tons nga proposed nga iimport nga kalamay, nagpasugot lamang sila.
Suno kay Sancho, mahimo nga magluntad ang over supply sang kalamay bangud manugtapos pa lang ang milling season.
Suno diri ano ang assurance nga mahatag sang gobyerno nga bangud sa tion nga mag-abot ang gin-import nga supply sang kalamay maganubo ang presyo sini.
Suno pa diri, dapat nga lagson sang gobyerno ang mga profiters.
Ginpahayag man sini nga indi kuntani matabo ang natabo sadto nga bangud sa nag-alalawas nga supply sang kalamay namierdihan ang mga planters kag madamo ang mga mamumugon nga naapektuhan.
Nagpangayo man ang mga ini sang data sa Sugar Regulatory Administration paagi sa sulat kun may shortage ang supply sang kalamay, anu gid kadamo.
Suno diri sa paglantaw sini mahimo man matabo ang sugar market abuse bangud sa pihak sang madamo nga supply mataas sagihapon ang presyo sang kalamay sa merkado.
Gilauman man sini nga mahatagan man sila sang sabat sang presidente sa ila ginpadala nga resolution sa opisina sini.
