Nagpatuman sang temporary ban ang Department of Agriculture (DA) sa importasyon sang baka kag buffalo gikan sa Japan kasunod sa outbreak sang lumpy skin disease (LSD).
Sa statement nga ginpagwa sang DA, importante nga maproteksyonan ang local livestock industry sa mga balatian kaangay sang LSD.
Ang lumpy skin disease, ang isa ka viral disease nga naga-apekto sa mga baka kag nagapatay sa mga kasapatan.
Suno sa World Organization for Animal Health (WOAH), ang sintomas sa nasambit nga balatian amo ang paghilanat sang sapat, pagtubo sang mga bukol sa panit, pagpangluya, pagbanog sang pila ka bahin sang lawas sang sapat kag kun kaisa ini ang makamamatay.
Nalakip sa import ban ang live animals kag by-products kaangay sang unpasteurized milk kag milk products, embryos, skin, kag semen sang baka kag buffalo nga ginagamit sa artificial insemination.
Suno sa DA, ginreport sang Ministry of Agriculture, Forestry and Fisheries sang Japan government ang LSD outbreak sa World Organization for Animal Health sang Nobyembre 15, 2024.
