Gin-athag sang Department of Energy nga indi direkta nga apektado sang Russian invasion sa Ukraine ang ginaimport nga langis sang Pilipinas.
Sa interview sang Bombo Radyo kay Rodela Romero, assistant direector sang DOE Oil Management Bureau, net importer ang Pilipinas sang finished petroleum products ukon crude nga ginaproseso pa sa refinery apang wala nagaimport ang pungsod sang fuel nagikan sa Russia kag Ukraine, kundi sa Middle East.
Suno kay Romero, ang mga pungsod nga ginakuhaan sang Pilipinas sang finished petroleum products kangay sang China, Japan kag South Korea ang nagaimport sang langis sa Russia kag Ukraine gani indi direkta ang epekto sang Russian invasion sa pungsod.
Suno sa Oil Management Bureau, padayon ang pagsaka sang presyo sang gatong kada semana bangud may deficit ang supply sa bilog nga Pilipinas sa pagsugod sang year 2022.
Suno kay Romero, 1.89 million barrels per day ang kulang sa supply kun ikumparar sa demand bangud nagbalik na ang mobility sang tawo nagikan sa pre-pandemic years.
Magluwas diri, nagsunod-sunod man ang supply disruptions sang Ecuador, Libya kag Kazakhstan kag may underproduction sa mga miyembro sang Organization of the Petroleum Exporting Countries (OPEC).
Sa karon suno kay Romero, nabudlayan ang OPEC nga ibalik ang gindula nga 400,000 barrels per day antes ang underproduction.
Bangud gina-trade ang oil suno kay Romero, tuman ka volatile ang presyo sini kag apektado sang pila ka mga factors kun sa diin nagasaka ang presyo bisan huring-huring pa lang nga may yara sang Russian invasion sa Ukraine.
