Gin-aprubahan na sang Department of Agriculture (DA) ang pag-import sang red kag white onions sa pagseguro nga stable ang presyohanay sa merkado.
Gin-anunsyar ni Agriculture Secretary Francisco Tiu Laurel Jr. ang pag-aprubar sini sang importasyon sang pula kag puti nga bombay nga ginalauman maga-abot sa pungsod sa masunod nga duha ka semana.
Suno diri, ang importasyon sang 3,000 metric tons sang pula nga bombay kag 1,000 metric tons sang puti nga bombay ang makabulig agud maseguro nga supesyente ang buffer stocks samtang ginahulat ang harvest.
Dugang pa sini, indi na ini magrisgo sa posibile nga shortage nga maggamit sang mga traders agud mapasaka ang presyo.
Madumduman nga sang tuig 2022, nagsaka ang presyo sang bombay tubtob sa P700 kada kilo bangod sa kakulangan sang supply kag delay sa importasyon.
