Nagpaathag man ang incharge sang One Hospital Command sa syudad sang Bacolod nga gintungahaan man nila nga mabuligan ang asawa ni Juanito Apolinario Jr., ang bana nga nagreklamo nga wala sila ginbuligan gani napatay ang bata sang ginbun-ag sang iya asawa sa Corazon Locsin Montelibano Memorial Regional Hospital.
Sa interview sang Bombo Radyo Bacolod kay Dr. Geraldine Sy, January 5, 2023 nagtawag sa ila si Apolinario agud magpangayo sang referral bangud luyag sini nga magbata sa provincial hospital sa syudad sang Silay apang bangud ang Bacolod ang wala nalakip sa OHCC sang probinsya kinahanglan sang mga ini nga magpangayo sang referral code.
May yara naman sang call logs ang One Hospital Command agud nga mapakita nga gintinguhaan man nila nga mabuligan ang mag-asawa.
Suno kay Sy, wala man ang mga ini nagkulang sa pagfollow-up agud nga mabuligan.
Ginpahayag man sini nga sa tion nga tsekyaron ang mga ini ginasabat lamang sini nga OK lang ang asawa kag madamo lang sang rason.
Suno diri, wala man sila sang nabaton nga documents agud nga mahatagan sila sang referral code bangud ang Rural Health Unit (RHU) sa banwa sang Candoni ang willing nga magbulig sa ila.
Ginpahayag man sang doctor nga nagrefer man gid sa private hospital bangud isa man ini sa ila ginahimo.
Suno kay Sy kun nangin cooperative lang ang mag-asawa wala natabo ang insidente nga napatay ang ila bata.
Ginakasubo man sang One Hospital Command sang Bacolod City ang natabo.
Nagpanugyan man ini nga dapat mangin cooperative man sa tion nga magpangayo sang bulig bangud ang OHCC ang handa gid nga mabulig.
Samtang gin-athag man ni Apolinario nga nakahatag sila sang mga documents nga ila nga ginapangayo sang One Hospital Command kag ginsend pa ini sa messenger.
