Nagkainitay ang aktres nga si Ina de Belen kag social media personality nga si Rosemar Tan-Pamulaklakin matapos ang pahayag ni Ina nga indi niya luyag nga makumparar kay Rosmar kag nagamit pa sang tinaga nga “ew”.
Ini matapos mag-post ang aktres sa facebook sang iya picture kaupod ang iya nobyo nga si Jake Vargas nga nagtambong sa Flores de Mayo sa Barangay Maysantol, Bulacan kun sa diin may isa ka netizen nga nag-comment nga pareho sila sang itsura ni Rosmar.
Bangud sini nag-react si de Belen sa comment section.
Nagsabat ang aktres nga indi niya kilala si Rosmar kag sang matapos niya nga ma-search ang influencer naghingyo ini nga indi na siya pag i-angot kay Rosmar kag naghambal pa sang tinaga nga “ew”.
Gindelete naman sini ang amo nga komento.
Wala nagustuhan ni Rosmar ang mga ginpangbuy-an nga tinaga sang aktres gani ini ang nagbalos man post sa iya social media.
Ginpabugal sang influencer ang iya 30 million followers kag ginpahayag nga mas makapila pa siya ka beses naggwa sa TV sangsa kay de Belen.
Gin-akusahan man sini ang aktres nga law-ay ang batasan apisar nga indi pa sikat.
Samtang, may pila ka naman ka mga netizens ang nagdepensa kay de Belen kag nag-comment nga posible nga indi “disgust” ang kahulugan sang tinaga nga “ew” kundi “either way”.
Tubtob sa subong, wala pa sang pahayag si de Belen angot sa mga nangin sabat ni Rosmar.
