Madamo nga mga world leaders ang nagtambong sa inagurasyon ni Pope Leo XIV kahapon, Mayo 18, kun sa diin nagpanawagan ini sang unity ukon pag-isa.
Matapos ang labing una sini nga pagsakay sa popemobile sa isa ka estimated crowd nga tubtob sa 200,000 sa St. Peter’s Square kag palibot nga mga dalanon, si Leo ang opisyal na nga gin-install bilang ika-267 nga pontiff sang Roman Catholic sa isa ka outdoor Mass.
Madamo nga mga world leaders ang nagtambong sa seremonya lakip na ang mga prime ministers sang Canada kag Australia, German Chancellor Friedrich Merz kag European Commission President Ursula von der Leyen.
Ang mga European royals nga ginalakipan sanday Spanish King Felipe kag Queen Letizia kag Monaco’s Prince Albert kasubong man asawa sini nga si Princess Charlene.
Pagkatapos sini, nakigkita si Pope Leo kay Ukrainian President Volodymyr Zelenskiy sa Vatican.
