INC protest, magapadayun subong nga Huwebes sa Liwasang Bonifacio matapos nga wala ginhatagan sang extension sa EDSA-White Plains

Magapadayon ang protesta sang Iglesia Ni Cristo (INC) sa Liwasang Bonifacio sa Maynila subong nga Huwebes, Hulyo 2, matapos ginbawi sang panguluhan sang Quezon City ang extension sang permit para sa ila pagtililipon sa EDSA-White Plains.

Ini matapos nagtakop ang programa kahapon pasado alas-8:00 sang gab-i sa pagtuman sang nauna nga permit nga ginhatag sang Quezon City government.

Antes naghalin sa venue, gin-agda ang tanan nga nagpartisipar nga limpyohan ang palibot kag dal-on ang kanya-kanya nga basura.

Ginpahayag sang isa ka ministro sang INC nga sila ang magabalhin sa Liwasang Bonifacio sa Maynila bangud indi na kinahanglan sang permit para makapatigayon sang programa sa nasambit nga lugar.