Nangin madinalag-on apisar nga nagnubo ang income sang 29th Panaad sa Negros Festival kun ipaanggid sang tinalikdan nga tuig.
Sa ginpagwa nga report sang provincial capitol, ang pinakadako nga income ang nagikan sa LGU pavilions nga nagdangat sa P9,822,315.50; nagasunod ang San Miguel Area nga may P3,466,350; Food Alley nga may P1,678,213.20; OPA nga may P961,087; VET nga may P420,922; Garden nga may P212,725 kag TLDC Trade Fair nga may yara lamang P39,018.
Makita sa data nga gamay lamang ang ginnubo ikumparar sang last year nga nagdangat lamang sa P2.6 million bangud ang total sales ang nagdangat lamang sa P16,600,630.70.
Suno kay Negros Occidental Governor Eugenio Jose “Bong” Lacson nga isa ka factor sang pagnubo sang sales amo nga may klase.
Suno kay Lacson apisar nga nagnubo ang sales ang importante nga malinong kag wala sang major incidents sa isa ka semana nga selebrasyon sang Panaad sa Negros Festival 2025.
Ginpasalamatan sang gobernador ang mga kapulisan kag iban nga katapo sang law enforcement agencies nga nagbantay agud mapabilin ang kalinog kag katawhayan sang Panaad sa Negros Festival 2025 celebration.
Ginpasalamatan man sang gobernador ang tanan nga nagbuligay agud nga matigayon ang selebrasyon sang nasambit nga kapiyestahan.
