Nagalaom si vice presidential aspirant kag Davao City Mayor Sara Duterte nga makuha ang suporta sang iya amay nga si Presidente Rodrigo Duterte, para sa iya tandem kaupod si presidential aspirant kag anay senator Ferdinand “Bongbong” Marcos Jr.
Apang suno kay Sara, pagarespetuhon nila ang desisyon sang iya amay bangud ini ang isa ka Presidente.
Suno sa iya, wala pa ini nakaistorya sa iya amay apang ginalauman nga sila ang magakit-anay sa Marso kag Abril agud iselebrar ang mga kaadlawan sang mga miyembro sang ila pamilya.
Suno diri, wala pa sila nakaistoryahanay ni Presidente Duterte apang nagalaom ini nga magakit-anay sila pagkatapos sang kampanya ukon sa campaign period bangud may mga kaadlawan sa ila pamilya sa Marso kag Abril.
Una na nga ginpahayag ni Duterte nga indi ini magsuporta sa maskin sin-o nga presidential candidate sa 2022 Elections magluwas lamang kun makakita ini sang nagakaigo nga rason sa masunod nga mga binulan.
Sang tinalikdan nga Nobyembre, gintawag ni Duterte si Marcos nga “weak leader” kadungan sang pagtandem sini kay Sara.
Una na nga ginpahayag ni Atty. Vic Rodriguez, tagpamaba ni Marcos, nga wala sang lainay sang buot sa tunga sang Presidente kag ni Marcos.
