BACOLOD CITY-Ipaiway sang provincial government sang Negros Occidental ang programa may kaangtanan sa pagselebrar sang Philippine Independence Day bwas nga adlaw, Hunyo 12 bangud sa COVID pandemic.
Nahibaluan nga nakaandan na ang pagpatigayon sang programa sa atubang sang Kapitolyo kada adlaw sang kahilwayan nga ginatambungan sang mga local officials, Armed Forces of the Philippines, Philippine National Police, war veterans, AFP retirees kag iban pa nga ahensya sang gobyerno.
Suno kay Negros Occidental Provincial Administrator Atty. Rayfrando Diaz, nagpagwa sang Executive Order si Governor Eugenio Jose Lacson nga nagapaiway sang programa bilang kabahin sang pag-obserbar sang social distancing.
Sa karon, napahamtang na ang mga dalagko kag magagmay nga hayahay sang Pilipinas sa atubang sang Kapitolyo bilang pagdumdom sa ika-122 nga pagsukat sang kahilwayan sang pungsod nagikan sa mga Espanyol.
