Isa lamang ang nagfile sang Certificate of Candidacy sa Bacolod City subong nga adlaw.
Ini amo ang independent candidate nga si Christian Weber sang Barangay Mandalagan, nga affiliate sang Amlig Tubig kag Amlig Kuryente.
Ginabantayan ang isa ka grupo nga mahimo magfile sang Certificate of Candidacy sa Bacolod Liga ng mga Barangay office.
Ginkumpirmar ni Bacolod City Election Officer Atty Revo Sorbito nga may isa ka team nga nagpabutyag nga dungan nga magafile bwas ang ila nga slate, apang wala pa matumod kun kanday sin-o kag sa ano nga oras.
Madumduman nga una na nga nagpahayag ang Team Asenso nga sila ang dulungan nga magafile sa last day sang COC filing sa Oktobre 8.
Kaina, ginbisitahan man ni Police Regional Office 6 Director Police General Jack Wanky ang venue.
Siya ang nahibaluan nga nagpanguna sa blessing ceremony para sa bag-o nga Silay City Police Station.
Ini ang sunod nga nagtsekyar sa sitwasyon sang COC filing sa Negros Occidental Provincial Capitol kag sunod nga nagderetso sa Liga ng mga Barangay sang Bacolod City.
May nahamtang naman nga police assistance desk antes pa lamang magsulod sa venue.
May nakaplastar naman nga crowd control plan agud malikawan ang pagsulod sang mga supporters kaangay sa natabo sang magfile sa pagka-Kongresista si former Bacolod City Mayor Evelio “Bing” Leonardia.
Napahanumduman naman ang mga aspirants nga likawan ang magdala sang madamo nga supporters kag ang mga ini ang tubtob lamang sa gwa ukon sarang makahulat sa Bacolod Public Plaza.
