Indi magnubo sa 27 ka Palestinians, patay samtang dinosena ang pilason sa pag-atake sang Israeli forces malapit sa aid distribution site sa Gaza

Indi magnubo sa 27 ka mga Palestinians ang nagkalamatay kag dinosena ang napilasan sa pagpang-atake sang Israel malapit sa isa ka aid distribution sa sur nga bahin sang Gaza.

Suno sa Israeli military, nagpalupok ang ila pwersa sa isa ka grupo sang mga pumuluyo nga ila ginalantaw isa ka pagpamahog matapos nga nagbilin ang mga ini sang isa ka designated access route malapit sa distribution center sa Rafah kag ginpalapitan ang ila mga position.

Suno diri, ila pa padayon nga ginaimbestigahan ang natabo.

Ang kamatayon ang natabo pila ka oras matapos ginpahayag sang Israel nga tatlo sa mga suldado sini ang nagkalamatay sa gyera sa northern kag southern Gaza.