Aminado si Vice President Leni Robredo nga overwhelmed ini sa kadamuon sang mga Negrense nga nagwelcome sa iya nga pag-abot sa probinsya kadungan sang komemorasyon sang Al Cinco de Noviembre.
Indi magnubo sa duha ka libo ka mga salakyan ang nag-upod sa stationary caravan sa Bacolod Silay Airport Access Road kaina sang aga kun sa diin kalabanan nga salakyan ang gindekorahan sang pink nga ribbon kag balloons.
Sa pagbisita ni Robredo sa estasyon sang Bombo Radyo, overwhelmed ini bangud wala nila ginlauman nga tuman kadamo ang nag-upod.
Suno diri, ginpaabot na nila nga may magawelcome nga mga Negrense apang indi expected ang kadamuon sini kun sa diin bilog nga pamilya ang nag-upod kag nakacostume pa gani daw kaangay sang picnic ang higad sang dalan.
Suno kay Robredo, espesyal ang Negros Occidental para sa iya bangud madamo nga mga Negrense ang nagboto sa iya sang nagpadalagan ini sang tuig 2016.
Makapila man ini ka beses nga nagbalik-balik sa Bacolod kag iban nga LGUs kag nauntat lang sang nagluntad ang COVID pandemic.
Aminado ini nga bisan dako nga boto ang nakuha niya sa Negros Occidental sang tuig 2016, indi tuman kadamo ang naggwa agud nga magpakita sang suporta kaangay subong.
Suno diri, makita ng invested ang mga tawo bangud indi lang Leni Fever ang mabatyagan sini kundi ginabatyag sang mga atwo nga ila nga away ang pagpadalagan sini bilang presidente gani tuman ini ka overwhelming.
