Indi magnubo sa lima ang nagkalamatay kag 24 ang pilason sa isa ka air strike sang Israel sa central Beirut samtang ginakonsiderar sa karun sang Hezbollah ang isa ka ceasefire nga gindihon sang Lebanon.
Samtang ang pagpang-atake sang Israel ang nagpatay sa 76 ka mga Palestinians kag nagpilas sa 158 sa Gaza samtang nagpaandam ang mga aid groups nga nagasaka na ang gutom sa area.
Nagapadayon sa gihapon ang pagpang-atake sa Israel sa sur nga bahin sa Lebanon kun sa diin walo ka dugang nga mga paramedics ang nagkalamatay.
Nag-abot si US envoy Amos Hochstein sa Beirut sang Martes agud istoryahan ang natuhoy sa ceasefire sa tunga sang Hezbollah kag Israel.
Ang ginaalegar genocide sang Israel sa Gaza ang nakapatay na sa indi magnubo sa 43,922 ka mga Palestinians kag nagpilas sa 103,898 humalin Oktubre 7, 2023.
Ginabanta 1,139 ka mga persona ang nagkalamatay sa Israel sang pagpang-atake sang Hamas kag masobra 200 ang ginpanghostage.
Sa Lebanon, indi magnubo sa 3,516 ang nagkalamatay kag 14,929 ang napilasan sa pagpang-atake sang Israel humalin sang nagsugod gyera sa Gaza.
