Dead on arrival ang isa ka lalaki nga ginhingagaw dala sa ospital matapos nga ginbuno sa isa ka bodega sa atubang sang LJP warehouse, Araneta Highway, Saint Vincent Village, Brgy. Tangub, Bacolod City kahapon sang hapon.
Sa interview sang Bombo Radyo Bacolod kay Alyas Neneng, kalive-in sang gina-alegar nga suspek, mahimo nga wala nabayaran sang biktima ang kalive-in sini nga ginkilala kay Jonard Moreño matapos nga ginsakop niya ini sa pagbayad sa utang nga baboy.
Suno kay Neneng, halin sang una nga nagatiyangge pa ini gina-alegar nga nagautang ang biktima nga si Ireneo Pangatihon sang pagkaon kag masami wala ginabayaran.
Dugang pa sini nga masabad gid man ang biktima bangud sang nagakarinderya pa ini sadto gina-alegar sini nga ang mga bangko ang masami ginapanghaboy sang biktima.
Wala man ini nakahibalo kun paano natabo ang pagbuno kay Alyas Onyok bangud nagpanukot ini sang ginapautang nga RTW kag cosmetics.
Ginmuno pa sini ang iya kalive-in bangod sa pagsakop sa pagbayad sang gin-utang sang biktima nga baboy apisar nga ini ang masami wala nagabayad sang utang.
