Ginkaakig sang mga Indian fans sang American rock band nga Coldplay ang tuman ka taas nga presyo sang ila nga concert tickets.
Magapatigayon sang tatlo ka adlaw nga concerts ang banda sa bulan sang Enero sa masunod nga tuig kag matapos nga gin-anunsyar ang pagbaligya sang tickets ang madasig ini nga naubos sa sulod sang pila ka minuto.
Madamo sang fans ang nagreklamo bangud sa pila ka oras nila nga indi maaccess ang website kun san diin makabakal sang tickets.
May pila pa ka mga reklamo nga nagbisyo pa ang mga websites.
Isa sa tuman nga ginkaakig nila amo ang gulpiyada nga pagbaligya sang nasambit nga tickets sang mga reselling platforms sa mas mataas nga presyo.
Ang pinakabarato nga tickets amo ang katumbas sang P2,000 samtang ang pinakamahal ang P8000 kun sa diin may yara sang masobra 10 million ka mga tawo ang nagaunahay agud nga makabakal sang 180,000 tickets.
Sa mga online reselling platforms sa India ang nagdangat ang pinakamahal sang masobra P600,000 ang isa ka bilog.
Ginakabig nga ang India sa karun ang target sang mga kilala nga singer kun sa diin nagconcert na didto sanday Ed Sheeran, Al Walker kag Dua Lipa.
