Nagapangatubang na sang kaso nga paglapas sa R.A. 7610: Special Protection for Children Against Abuse ang Indian National nga nagpanghikap sa pribado nga parte sang lawas sang lima ka menor de edad sa isa ka resort sa Talisay City, Negros Occidental.
Sa interview sang Bombo Radyo Bacolod kay Police Major Rhazl Jim Jocson, Deputy Chief of Police sang Talisay City Police Station, napasaka na ang kaso matapos ang napatigayon nga imbestigasyon sang Women and Children Protection Desk (WCPD) sang Talisay City Police Station.
Ang nasambit nga Indian National ang nanghikap sa pribado nga parte sang lawas sang lima ka menor de edad sa isa ka resort sa ciudad kag ang insidente ang natabo sang Domingo.
Suno kay Jocson, santo sa nagreklamo ang mga menor de edad ang nagapaligo sang ginhikap sang Indian National.
Nagpalayo man ang mga biktima apang ang suspek ang nagpalapit gid agud nga makapanghikap sa mga ini.
Ang mga bata ang ginrefer naman sa Social Workers agud nga mabuligan sa trauma nga nabatyagan bangud sa insidente.
Una na nga nagpahayag ang pamilya sang mga biktima nga desidido ang mga ini nga magpasaka sang kaso batok sa Indian national.
