Napasaka na ang kaso nga rape batok sa Indian national nga ginaalegar naghimulos sa 21 anyos nga babayi sa Barangay Taculing, Bacolod City.
Una na nga ginpahayag sang station commander sang Bacolod Police Station 6 nga si Police Captain Dax Santillan nga desidido nga magpasaka sang kaso ang 19 anyos nga biktima batok sa Indian National.
Madumduman nga ginpahayag ni Santillan nga nagkilalahay ang duha sa dating app kag sang Miyerkules, Abril 3, una nga meet up sang mga ini kag nasambit nga Indian National ang nagapa-utang.
Suno sa biktima, sa ila pagtabuay gin-angkas ini sang suspetsado kag siya ang nag-upod man.
Wala naman sang problema sa ila nga pagrides, tubtob nga ini ang gindala sang Indian National sa iya gina-arkilahan nga balay sa Teres 1 Subdivision sa Barangay Taculing.
Didto na kag ginpasulod sang Indian National sa balay ang biktima kun sa diin natabo ang gina-alegar sexual assault.
Nahimo naman sini nga makacontact sa iya nga classmates agud magpangayo sang bulig.
Nagpahayag man ang kaingod sa balay, nga kaangay nga ginpagutman ang biktima nga nakagwa pasado alas-6:00 na sang gab-i.
Ang suspetsado ang wala man gilayon nadakpan bangod nanirado kag nagpanago sa kisame sang gina-arkilahan nga balay sa bulig sang utod sang biktima nga katapo sang Philippine Marines nga nagsaka sa kisame kag nagtsekyar kun ara didto ang suspek.
Sang nakita nga didto nagapanago ang Indian National, liwat gintawgan ang Bacolod Police Station 6 agud nga makuha ini.
Una naman nga nagsumiter sang affidavit ang biktima kaupod sang iya pamilya sa ila pagpadulong sa Bacolod Police Station 6 kahapon samtang ginahulat ang resulta sang medico legal.
Sa karun nagapabilin nga nakahunong sa Bacolod Police Station 6.
