Nakabatun na sang 2nd Semester nga social pension ang mga indigent senior citizens sa ciudad sang Bacolod kag probinsya sang Negros Occidental.
Suno kay Rayner Jude Lobaton, TARA focal person sang Department of Social Welfare and Development Field Office 6, ang kabug-usan nga mga benepisyaryo nga nakabatun sang social pension sa Bacolod ang nagdangat sa 2,361 samtang 31,933 naman ang nakabatun sa probinsya sang Negros Occidental.
Suno kay Lobaton, yara na sa 92 porsyento sang target nga benepisyaryo ang nahatagan sang DSWD kag malapit nalang nga matapos ang distribusyon sang social pension.
Ang mga nabilin naman nga local government units (LGUs) sa probinsya sang Negros Occidental nga nakatalana pa nga pagahatagan ang ginalakipan sang banwa sang Calatrava, Don Salvador Benedicto, Toboso, Pontevedra, San Enrique, Binalbagan, Isabela, Cauayan, Hinobaan, Ilog, ciudad sang Escalante, San Carlos City, Cadiz City, Sagay City, Bago City, Himamaylan City, Kabankalan City kag Sipalay City.
Samtang nakahatag naman ang DSWD sa 45,826 nga benepisyaryo sa probinsya sang Aklan; 40,286 sa Antique; 54,953 sa Capiz kag 147,444 sa Iloilo Province.
Sa kabug-usan, nakahatag na ang DSWD sa 337,446 nga mga benepisyaryo nga indegent senior citizen sa Western Visayas nga nagdangat na sa balor P1,012,338,000.
