Nangin malinong kag matawhay ang ginpatigayon nga indignation rally sa ciudad sang Bacolod kahapon.
Sa interview sang Bombo Radyo Bacolod kay Police Lt Col Joery Puerto, chief sang Operations Management Unit sang Bacolod City Police Office, may yara sang tatlo ka platoon sang mga kapulisan nga gindeploy sa lugar.
Suno kay Puerto, nalipay ang mga kapulisan nga apisar tatlo ka grupo ang nagpakigbahin sa protesta, ini ang nagumpisa kag natapos nga malinong kag matawhay.
Ginalantaw nga masobra dos mil ang nakigbahin sa rally.
Ginpahayag man ni Puerto nga wala man sang nagpablotter, sang mga insidente may kaangtanan sa indignation rally.
Ang mga nag-upod nga grupo ang ginlakipan sang mga estudyante, manunudlo, mga madre, kaparian, concern citizens, mamumugon, transport group kag iban pa.
Nagapasalamat man ang station commandeer sang Bacolod Police Station 1 nga natapos sang malinong ang indignation rally.
Sa interview sang Bombo Radyo Bacolod kay Police Captain Francis Depasucat, station commander sang Bacolod Police Station 1, generally peaceful ang ila nga assessment sa natapos nga indignation rally.
Suno diri nagdangat sa kapin 1,800 ka sa mga persona ang nag-upod sa rally.
Suno kay Depasucat, nangin matawhay ang rally kag ginpabutyag lamang sang mga ini ang ila luyag nga ipabutyag.
Una na nga ginpahayag sang station commander nga nagplastar ini sang mga kapulisan nga magabantay sang kalinong kag katawhay sa pagpatigayon sang rally.
May yara sang gindeploy nga Area Security Personnel kag may yara man sang Civil Disturbance Management (CDM) operations personnel nga nakastand-by, samtang may mga personnel man ang Bureau of Fire Protection nga nagbulig sa pagmonitor sa sitwasyon.
Wala man sang recorded nga untoward incidents nga nagluntad may kaangtanan sa indignation rally.
