Nagapadayon ang monitoring sang Philippine Institute of Volcanology and Seismology (PHIVOLCS) sa Bulkan Kanlaon.
Sa interview kay Engineer Mari Andylene Quintia, Resident Volcanologist sa Kanlaon Volcano Observatory, La Carlota City, Negros Occidental, may yara sila sang namonitor nga ang eastern upper plumes sang edifice ang nagahubag humalin pa sang January 10, 2025 samtang ang inflation deflation cycle naman ang narecord sa Western upper kag eastern middle plumes humalin man sang pareho nga petsa.
Suno kay Quintia sa nasambit nga cycle may yara sang ash emmissions ang bulkan sa pag-abot sang deflation cycle.
Gin-athag man sini nga ang inflation kag deflation cycle sang bulkan ang wala nagakahulugan sang pagsaka kag panaog sang magma bangud ang nasambit nga cycle ang kaangay sang pulses nga namonitor sa Bulkan.
Ginpahayag man sini nga may yara na sa gihapon sang namonitor nga inflationary trend sang magma sa bulkan.
Wala naman ang PHIVOLCS sang namonitor nga ash emissions pagkatapos sang Feb 15.
Sa monitoring sang PHIVOLCS, nagdangat sa 32 ang volcanic earthquakes sa bulkan humalin Pebrero 16 tubtob alas 12:00 sang kaagahon, Pebrero 17, 2025.
Nagdangat sa 4, 604 ka tonelada sang sulfur dioxide ang ginbuga sang bulkan sang Pebrero 16.
Narecord man ang wala untat nga pagsungaw sang plumes nga nagdangat sa 200 metros ang kataason sini padulong nakatungdan nga direksyon.
Nagapadayon naman ang ground deformation sa lawas sang bulkan.
Nagapabilin sa Alert Level 3 ang bulkan kag padayon nga ginadumilian ang pagpalupad sang ano man nga sahi sang aircraft malapit sa baba sang bulkan.
Ginaabisuhan ang tanan nga may posibilidad sa gihapon sang gulpi nga paglupok sang bulkan, pag-ilig sang lava, pag-ulam sang abo, Pyroclastic Density Current (PDC), rockfall kag pag-ilig sang lahar kun may mabaskog nga pag-ulan.
