Nagalaum ang Department of Agriculture (DA) nga maganubo ang presyo sang mga pagkaon kag inflation kasunod sa napirmahan nga kasugtanan sang US kag Iran nga untanon na ang kinagamo.
Suno kay Agriculture Secretary Francisco Tiu Laurel Jr., dako ang mabulig sang liwat nga pagbukas sang Strait of Hormuz agud mapanubo ang gastos sa mga kinahanglanon nga produksyon kag transportasyon sang mga agricultural commodities kag magahatag sang dalan nga matutokan ang epekto sang El Niño.
Luwas sa pagnubo sa gastos sa produksyon, ginpahayag man sini nga ginaluaman nga mapahapos ang trading sa tunga sang Pilipinas kag Middle East.
Ginpaathag sang taglikom nga ang liwat nga pagbukas sang Strait of Hormuz ang indi lang makabulig sa pagnubo sa presyo sang langis kasubong man sa pagbalik sa importante nga ruta sang trading, makapamag-an ang palas-anon sang mga food producer, kag magahatag sang kahigayunan nga masiguro ang nagakaigo nga supply sa tunga sang epekto sang El Niño.
