Nagsaka na sa 7.8 percent ang inflation rate sa pungsod sa bulan sang Oktubre humalin sa 7.2 percent sang tinalikdan nga Setyembre, santo sa report sang Philippine Statistics Authority (PSA).
Ini na ang ikaduha nga consecutive month nga naka-record sang madasig nga pagsaka sang presyo sang mga balaklon sa pungsod.
Bangud sa panibag-o nga pagsaka sini, nagdangat na sa 5.6 percent ang average inflation humalin Enero tubtob Oktubre, nga maathag nga naglapaw sa 2-4 percent nga target sang gobyerno.
Ginpahayag ni PSA Chief kag National Statistician Claire Dennis Mapa nga ang sektor sang transportasyon ang nagapanguna nga rason sang pagtaas matapos ini ang maka-record sang 20.1 percent inflation rate kag nag-contribute sang 62.9 percent sa kabug-usan nga pagsaka.
Kalakip sa mga natumod nga rason ang m as mataas nga pamasahe sa mga jeepney kag bus, kasubong man ang pagsaka sang presyo sang gasolina, Liquefied Petroleum Gas (LPG), kag kuryente.
Apang, santo sa ahensya, mas mahinay ang pagsaka sa presyo sang mga pagkaon sa bug-os nga pungsod sa kapareho nga tion.
