Ginpahayag sang Philippine Statistics Authority (PSA) nga mas nagdasig ang inflation rate sa Pilipinas sang bulan sang December sa 2.9 percent kadungan sang pagsaka man sang power rates kag housing costs.
Mas madasig ini kun ipaanggid sa 2.5 percent nga inflation sang November ini ang rason nga nagdangat ang average inflation para sa 2024 sa 3.2 percent.
Apang nakasulod ang 2.9 percent nga inflation subong nga December sa forecast range sang Bangko Sentral ng Pilipinas nga 2.3 tubtob 3.1 percent.
Nagakahulugan man ini nga nagdangat sang gobyerno ang target sini nga imintinar ang average inflation para sa 2024 sa 2 tubtob 4 percent.
Suno kay PSA Undersecretary kag National Statistician Dennis Mapa, nga nagdasig ang inflation sang December 2024 bangud sa madasig man nga pagsaka sa bili sang housing, tubig, kuryente, gas, kag iban pa nga gatong.
