Nagahulat nalang ang mga pumuluyo sang Purok Bayanihan sa Barangay Banago nga maplastar sila sang syudad sa relocation site.
Suno kay Renalyn, may ara na sila sang kasugtanan sa korte sadto angot sa pabahay kag sila ang magabayad sang P1,000 kada bulan agud nga mangin ila na ang duta nga ginatindugan sang ila balay apang nangin P500 nalang bangud nakita sang korte nga ini lamang ang ila masarangan.
Wala man ini sang problema sa pabahay project bangud willing man sila magbayad santo man sa ginpahayag sini nga nakasugtan nga pagabayran.
Suno pa diri, wala pa man sila liwat nakabayad bangud luyag ni Councilor Vladimir Gonzales nga maubrahan sang folder kada isa ang mga residente nga nagapuyo na nga daan sa lugar.
Ginpahayag man ni Renalyn nga safe naman ang una nila nga ginbayad para sa pagtinir sa lugar kag ila lamang padayunon ang pagbayad kun mangin available na ang mga folders kag kaupod na ang titulo sang duta.
Ginpahayag man sini nga ang duta ang wala pa nasubdivide.
Sa opisina naman ni Councilor Vladimir Gonzales nagabayad sang P500 kada bulan bangud ang ginatindugan sang ila balay ang ginapanag-iyahan sang konsehal.
Sa karun, ginahulat nalamang sang mga ini nga sila ang maplastar na kag mapadayon ang ila pagbayad agud nga makakuha sang titulo para sa duta nga ginatindugan sang ila balay.
