Nagtuga sang kapin P469.8 million nga balor sang halit sa imprastraktura ang tropical cyclones Nika, Ofel kag Pepito sa tatlo ka mga rehiyon.
Sa situational report sang National Disaster Risk Reduction and Management Council (NDRRMC), ang Central Luzon ang nakaangkon sang pinakadako nga halit nga nagabalor sa kapin P320.7 million.
Ini ang ginsundan sang Cordillera Administrative Region (CAR) nga may P144.7 million kag Cagayan Valley nga may P4.4 million.
Ang Central Luzon ang naka-incure sang P855,326 nga balor sang halit sa agrikultura kag nag-apekto sa 52 ka mga mangunguma kag manugpangisda.
Ang mga tropical cyclones, lakip na ang Super Typhoon Pepito, ang nag-apekto man sa 852,475 ka mga persona ukon 238,982 ka pamilya sa 2,152 ka mga barangay sa bilog nga pungsod.
65 ka mga dalanon kag 40 ka mga taytay ang indi pa maagyan bangud sa epekto sang mga bagyo.
