Ginpirmahan na ni President Rodrigo Duterte ang kasuguan nga naga-institutionalize sang Malasakit Centers sa tanan nga hospitals nga ginapadalagan sang Department of Health.
Ang Republic Act 11463 ukon Malasakit Center Act ang ginpirmahan ni Presidente Duterte sa Malacañang.
Ang Malasakit Centers ang ginakabig pet project sang anay aide sang presidente nga si Sen. Christopher “Bong” Go.
Ang Malasakit Centers ang magaserbe nga “one-stop shops” para sa mga indigent patients.
Nasaad sa kasuguan nga ang Malasakit Centers ang dapat nga non-partisan, convenient, free of charge, accessible, kag dapat nga may yara sang standard system sa pag-avail sang mga assistance.
Sa idalom sang kasuguan ang tagsa ka Malasakit Center ang dapat nga may yara sang representatives gikan sa DOH, Department of Social Welfare and Development, Philippine Charity Sweepstakes Office, kag Philippine Health Insurance Corporation.
Tagsa ka representatives ang maga-proceso kag maga-aprubar sang requests sang tanan nga medical kag financial assistance sang indigent patients.
Ang mga hospital heads ang magaserbe nga director sang Malasakit Centers kag natalana nga magpasiguro sang proper management kag efficient operation sang center.
