Gin-engganyo sang Integrity Monitoring Enforcement Group (IMEG) Visayas Field Unit sang Police Regional Office (PRO) 6 ang mga pumuluyo nga ireport sa ila nga opisina ang mga scalawag nga pulis.
Sa interview sang Bombo Radyo Bacolod kay P/Lt. Samuel Evalle, ginpasalig sini nga bukas ang ila talatapan nga magbaton sang mga reklamo angot sa mga police personnel nga involved sa illegal activities.
Suno sa iya, ang ila nga opisina ang responsable sa kampanya ni Presidente Rodrigo Duterte nga internal cleansing program.
Sa karon madamo na sila sang ginamonitor nga mga kapulisan nga gina-alegar may kaangtanan sa iligal nga druga, iligal nga sugal, kag robbery and extortion.
May yara naman sila sang mga napasakaan na sang criminal kag administrative cases.
Nahibaluan nga sakop sang IMEG Visayas Field Unit ang Regions 6, 7 kag 8.
Sarang nga makapadangat sang reklamo sa ila nga hotline contact number 09190917146.
