Gin-umpisahan na sang International Criminal Court (ICC) ang inisyal na tikang agud maorganize ang nagakaigo nga partisipasyon sang mga biktima sang ginapahayag nga maduguon nga drug war sadtong administrasyon ni Former President Rodrigo Duterte.
Sang Biyernes, Marso 21, ginmanduan sang ICC ang Victims Participation and Reparations Section nga tumuron ang proseso nga mahimo gamiton para sa application and registration sang mga biktima.
Ang mga biktima ang magaserbe nga testigo batok sa kaso sang anay presidente nga crimes against humanity.
Sa isa ka statement, ginpahayag ni ICC assistant to Counsel Kristina Conti nga nakapreparar ang kampo sang mga biktima nga magkonsulta sa Victims Participation and Reparations Section agud nga hibaluon kag tumuron ang mechanism nga gamiton.
Sa idalom sang ICC ang mga biktima ang mahimo nga makigbahin sa patigayunon nga hearing ukon magsubmit sang ila nga views kag concerns.
Samtang ang ginatumod ang mechanism nga gamiton, padayon nga ginahulat sang kampo sang mga biktima ang masunod nga instructions/ guidelines nagikan a international court.
