Gin-aresto ang international pop star nga si Justin Timberlake matapos nga nag-drive ini samtang yara sa impluwensya sang makahulubog nga ilimnon sa New York.
Suno sa local district attorney’s office sang Sag Harbor, nadakpan nga nagamaneho si Justin samtang hubog matapos nga wala sini ginsunod ang stop sign kag duha ka beses nga nagsaylo sang lane.
Gin-release man ang pop singer kag ini ang natalana nga mag-atubang sa korte sa Hulyo 26.
Suno sa abogado ni Justin, ginpamatbatan ini sang single count sang nagbalibad ini nga magpaidalum sa breath test.
May duha man ka citation si Justin bangod nga wala ini nag-untat sa stop sign kag nagmaneho sa sala nga linya.
Sa report, bag-o lamang nga naghalin si Justin sa dinner party sa isa ka American Hotel.
Samtang natalana naman si Justin nga mag-concert sa Chicago sa weekend kag duha ka show sa New York City sa masunod nga semana.
