Ginpahayag sang chairman of committee on police matters sa Bacolod City Council nga may yara na sang plano sang Chinese investors nga magtukod sang factory sang public utility electric vehicles sa siyudad sang Bacolod.
Sa interview sang Bombo Radyo kay Councilor Al Victor Espino, ginalauman sini ang pag-abot sang 10 ka test units sang electric vehicle nga may yara sang proof of concept, humalin sang ini ang ginplano pa lamang tubtob nga yara na mismo nagadalagan sa siyudad.
Suno diri, mas maayo kun electrc vehicles ang pagagamiton ilabi na nga may manubo ini nga maintenance kag indi magasto sa gasolina kag lubricants nga nagakinahanglan lamang sang battery kag charging stations.
Pahayag sini, ang pag-invest sang Chinese investors ang isa ka tikang nga sila ang magatukod sang negosyo sa siyudad ilabi na ang luyag sang mga ini nga magtukod sang factory sa siyudad sang Bacolod sang electric vehicles.
Nakig-angot naman ini sa mga transport group nga nagapakita man sang interes sa produkto.
