Pormal nga nagpadala sang sulat ang Senate Blue Ribbon Subcommittee kay former President Rodrigo Duterte kahapon agud imbitahan ini sa labing una nga hearing natuhoy sa Philippine War on Illegal Drugs sa Lunes, Oktubre 28.
Sa isa ka sulat, ginmanduan ni Senator Koko Pimentel, Chair sang Subcommittee, si Duterte nga magpasa on or before October 25 sang iya sworn statement ukon affidavit nga nagadetalye sang iya ihibalo ukon posible nga partisipasyon sa nasambit nga butang.
Suno kay Pimentel, gina-imbestigahan sang Blue Ribbon ang malfeasance, misfeasance kag nonfeasance sang mga opisina sang gobyerno kag mga empleyado.
Sang Martes, gin-eksplikar sini nga ang inquiry ang magasentro sa War on Drugs sa idalum ni Duterte kag sang sa karun nga administrasyon.
Magluwas kay Duterte, ginalauman man nga magtambong sa hearing sanday Senators Ronald Dela Rosa kag Bong Go nga naangot sa illegal activities sa idalum sang War on Drugs kasubong man si former Senator Leila De Lima.
