Ginpasalig sang Iran nga paagyon sini nga hilway sa katalagman ang mga barko sang Pilipinas kag ang Filipino seafarers sa Strait of Hormuz.
Suno sa Department of Foreign Affairs (DFA), nagpromisa ang Iran nga tugutan sini nga maglabay nga wala sang obstruction ukon indi pagbalabagan ukon pagbombahan ang mga barko kag energy shipments sang Pilipinas kag ang tanan nga Filipino seafarers.
Isa ini ka dako nga development nga ginahulat sang Pilipinas agud nga mapahagan-hagan ang krisis sa enerhiya nga tuga sang masobra isa ka bulan na nga giyera sa Middle East.
Gina-import sang Pilipinas gikan sa Middle East ang 98 percent sang crude oil nga ginagamit sini, rason nga tuman man ka dako ang epekto humalin sang ginsirad-an sang Iran ang Strait of Hormuz sa temprano nga bahin sang Marso.
