Nagbayluhanay naman sang pagpang-atake ang Estados Unidos kag Iran, una nga bes sa sulod sang masobra isa ka bulan.
Ini ang nagapakita sang pagsaka sang tensyon sa nagapadayon nga komprontasyon, kag ginakahangaw-an nga mas malala pa ang inaway.
Suno sa mga report sang Iranian media, nagpahayag ang Revolutionary Guard sang Iran sang Lunes nga naglunsyar ini sang pag-atake batok sa duha ka base militar sang Estados Unidos sa Jordan.
Suno sa grupo, ini nga pag-atake sabat sa pag-atake sang Estados Unidos sa Larak Island sang nagligad nga semana.
Samtang, gin-confirm sang U.S. Central Command nga gin-atake sang mga pwersa sang Amerika ang duha ka Iranian rocket launcher sa Larak Island sang Domingo.
Suno sa militar sang Estados Unidos, ginahanda sang Revolutionary Guard ang mga rocket nga may dala nga sea mines nga posible nga ipalupad padulong sa Strait of Hormuz.
Ang Strait of Hormuz isa ka importante nga alagyan sa Middle East kag isa sa mga major transport route sang langis sa bug-os nga kalibutan.
