Gin-anunsyo sang Iran ang liwat nga pagsirado sang Strait of Hormuz bangud sa nagapadayon nga “blockade” sang US sa ila mga pantalan.
Gintawag sang Iran ang mga tikang sang US nga “piracy”.
Ginbawi sang militar sang Iran ang ila desisyon isa ka adlaw lang matapos gin-anunsyo sang Iran nga bukas na ang Strait of Hormuz kasunod sang deklarasyon sang napulo ka adlaw nga ceasefire sa tunga sang Lebanon kag Israel.
Gin-report sang maritime security sources nga may mga lupok gikan sa mga gunboat sang Iran nga nagpuntirya sa isa ka tanker.
Nahibaluan nga ang Strait of Hormuz, nga ginaagyan sang 20 percent sang langis sa kalibutan, nga nagtuga sang kahadlok sa pagtaas sang presyo sang langis.
Ginpahayag sang Iran nga magapabilin ang hugot nga kontrol sa nasambit nga strait tubtob nga dulaon sang US ang naval blockade.
Samtang, nagpaandam ang lider sang Iran nga handa ang ila navy nga maglunsyar sang panibag-o nga pag-atake batok sa US kag Israel.
Ini kasunod sang liwat nga pagsirado sang pungsod sang Strait of Hormuz bangud sang padayon nga pagpamalabag sang Estados Unidos.
Angot sini gin-report nga may duha na ka mga barko sang sibilyan nga ginaalegar ginpalukpan matapos mag-agi sa Strait of Hormuz.
Ginalantaw man nga bangud sang hitabo, mahimo maapektohan ang global oil supply.
