Nagpadala ang Iran sang panibag-o nga panugda ukon proposal sa Estados Unidos sa tunga sang nagapadayon nga tensyon sa Middle East.
Santo sa report, ginpaagi ang proposal sa Pakistan, nga nagaserbe bilang mediator sang duha ka pungsod.
Ang kaundan sang bag-o nga panugda ang daw kaangay lamang sa daan nga ginsikway sang Estados Unidos, kalakip diri ang pag-untat na sang gyera, liwat nga pagbukas sang Strait of Hormuz, kag pagpaluwag sang maritime sanctions batok sa Iran.
Suno sa Iran, isunod na lamang sa mga masunod nga pagsinapol ang sensitibo nga topiko natuhoy sa nuclear program sang Iran.
Apang nauna na nga gin-reject ni U.S. President Donald Trump ang kaangay nga proposal sang Iran, ginpahayag sang isa ka opisyal sini nga mas nangin bukas subong ang Amerika sa pila ka mga topiko.
Kalakip diri ang posible nga pagpagwa sang frozen funds sang Iran sa mga foreign banks kag pagpahanugot sang limitado ngaa nuclear activities sa idalom sang international supervision.
Apang, aminado ang mga mediator nga mangin mahinay ang progreso sang negosasyon samtang nagapadayon nga nagabag-o ang posisyon sang duha ka kampo.
