Nagpagwa sang mando ang supreme leader sang Iran nga si Ayatollah Ali Khamenei nga direkta nga atakehon ang Israel bilang pagtimalos sa pagpatay sa pinuno sang Hamas sa Tehran nga si Ismail Haniyeh suno sa tatlo ka mga Iranian officials.
Ini ang ginmando ni Khamenei sa isa ka emergency meeting sang Supreme National Security Council sang Iran sang Miyerkules sang aga, matapos ang anunsyo sang Iran nga napatay si Haniyeh lakip na ang duha ka mga miyembro sang Revolutionary Guards.
Gin-akusahan sang Iran kag Hamas ang Israel sa nasambit nga assassination apang wala man gin-ako ukon ginpanginwala sang nasambit nga pungsod ang pagpatay kay Haniyeh, nga yara sa Tehran para kuntani sa inagurasyon sang bag-o nga presidente sang Iran.
Ang Israel ang may yara sang madugay na nga history sang pagpatay sang ila mga kasumpong abroad lakip na ang mga Iranian nuclear scientists kag military commanders.
