Ginpahayag ni Iranian Foreign Minister Abbas Araqchi nga wala sang agreement sa tunga sang Iran kag Israel para sa pagpatigayon sang ceasefire.
Ini ang supak sa una nga announcement ni US President Donald Trump pasado alas-6:00 kaina sang aga nga nakasugtan na sang duha ka pungsod ang pagpatigayon sang ceasefire.
Madumduman nga sa social media post ni Trump, una nga magapatigayon sang 12-hrs ceasefire ang Iran, nga sundan sang 12-hrs ceasefire sang Israel, ukon kabug-usan nga 24 oras nga pag-untat sang gyera.
Nagalaom pa ang Presidente sang Estados Unidos nga matapos sang 24 oras, maga-untat nagid ang gyera kag pagatawgon na lamang nga ‘THE 12 DAY WAR.’
Apang ginalantaw nga may kapaslawan sa handum ni Trump karun nga ginpanginwala sang Iran ang kasugtanan.
Sa pihak sini, ginpahayag sang Iran nga kun mag-untat na ang Israel, sila ang wala naman sang plano nga magpadayun sa gyera.
