Ginkumpirmar sang senior Israeli official sang Iran nga napatay si Iranian Supreme Leader Ayatollah Ali Khamenei matapos gin-atake sang Israel sa Tehran ang iya compound.
Ini matapos nga makita ang iya nga lawas kasunod sa airstrikes nga ginpatigayon sang Israel kag US batok sa Iran.
Samtang, wala pa sang opisyal nga kumpirmasyon halin sa mga otoridad sang Iran tuhoy sa gin-report nga kamatayon sang ila lider.
Nauna na nga ginpahayag ni Israeli Prime Minister Benjamin Netanyahu nga ginwasak sang pwersa sang Israel ang compound ni Khamenei kag napatay ang pila ka mga mataas nga opisyal sang Islamic Revolutionary Guard Corps, lakip na ang pila ka mga opisyal nga ginakabig may kahilabtanan sa nuclear program sang Iran.
Sa isa ka video statement nga ginpagwa ni Netanyahu, ginpahayag sini nga madamo sang signs nga wala na ang lider sang Iran, apang wala gilayon nagkumpirma ang kamatayon ni Khamenei sa amo nga tion.
