Nakuha sang 46 anyos nga isa ka anay janitor nga si Marvin Alob, ang gold kag silver medal sa bodybuilding competition sa FIF Multinational Battle 2024 sa Malaysia.
Sa interview sang Bombo Radyo kay Coach Marvin Alob, siya ang anay nagatrabaho sadto bilang janitor kag nag-umpisa na lamang magsulod sa body building sa edad nga 35 anyos.
Suno diri, strikto ang pagkaon bisan ang pag-inom sini sang tubig.
Kun siya magkaon ginabutang pa sa weighing scale kun ano ka bug-at ang iya kan-on.
Matapos nga magdaog sa national competition siya ang gin-imbitar nga magparticipate sa international competition.
Siya nagdaog sang gold medal sa Men’s Physique Short category kag silver sa Men’s Physique Master division.
Sa karun siya ang nagatrabaho man bilang coach samtang naga-intra sa mga competition.
Pahayag ni Alob, disiplina kag pagsalig sa kaugalingon ang nagapanguna nga kinahanglan agud mangin isa ka body builder kag pamilya naman ang nangin inspirasyon sini.
