Isa ka babayi ang ginalantaw nga mangin prime minister sang Japan

Ginpili sang ruling party sang Japan ang conservative nationalist nga si Sanae Takaichi nga mangin ila nga pinuno.

Bangud sini, siya ang mangin pinakauna nga babayi nga prime minister sang pungsod.

Ginpili sang Liberal Democratic Party ang 64 anyos nga si Takaichi nga ginalantaw magapanumbalik sang pagsalig sang publiko nga nagapakamalaot sa gobyerno bangud sang nagasaka nga presyo sang balaklon kag pagpang-ipit sa mga migrants.

Ginalauman nga patigayunon sa Oktubre 15 ang eleksyon sa parliament sa pagpili sang magabulos kay outgoing Shigeru Ishiba.

Si Takaichi ang ginapaboran bangud nga may pinakamadamo nga numero sang seat ang ruling coalition.